Archived Stories
Totongi $1.1 Miliona ki he Pule’anga Tonga mei he Ma’u Mafai Ki He Ngaahi Taulanga
27 Sune, 2012, Na’e totongi atu ‘e he Ma’u Mafai Ki He Ngaahi Taulanga ‘a e $361,651 ko e fakakakato ‘o e ‘Inasi ki he Pule’anga Tonga ‘o e ta’u Fakapa’anga 2012/2013. Na’e fakahoko ‘a e totongi ko eni ‘i he lolotonga ia ‘o e Fakataha Fakakuata ‘a e ‘Eiki Minisita Ki he Ngaahi Pisinisi ‘a e Pule’anga Tonga, Honourable Sosefo Fe’ao Vakataa pea mo e Kau Talekita ‘o e Ma’u Mafai Ki he Ngaahi Taulanga ‘i he ‘aho Falaite, 27 Sune 2014.
L-R: Mr Alo ki Hakau Maileseni (Chief Financial Manager), Mr Siaosi Sovaleni (CEO, Ministry of Public Enterprises), Mr Busby Kautoke (Board Member); Mr. Richard Prema (Board Member); Hon. Fe’ao Vakata (Minister for Public Enterprises), Mr. Steven Edwards (Chairman, PAT Board of Directors); Dr. Ngongo Kioa (Board member), Mr. Carl Sanft (Board member), Mr. Mosese Lavemai (PAT General Manager), Mrs. Mele Havea Lavemaau (Human Resources Manager).
Na’e fakamatala ‘a e Sea ‘o e Poate Ma’u Mafai Ki he Ngaahi Taulanga, Steven Edwards ‘o pehe na’e laka hake ‘i he $1.1 miliona ‘o e pa’anga ne totongi atu ‘e he Ma’u Mafai ki he Ngaahi Taulanga ‘i loto ‘i he Ta’u Fakapa’anga 2013/2014, ‘a ia ko e ‘inasi ki he Pule’anga Tonga na’e fe’unga Fakakatoa mo e $981,854 pea mo e Tukuhau na’e fe’unga mo e $129,036 ‘o Fakakatoa ki he $1,110,890.
Na’e fakamatala ‘a e Pule Lahi ‘o e Ma’u Mafai, Mosese Lavemai ‘o pehe ko e kakato ‘aki eni ‘a e Ta’u Fakapa’anga ‘e Hongofulu ma nima ‘a e fakahoko fatongia ‘a e Ma’u Mafai ki he Ngaahi Taulanga talu mei he Ta’u 1999. Pea ‘i he kakato ‘o e Ta’u Fakapa’anga ‘e hongofulu ma nima ko eni, kuo laka hake ‘i he $8 miliona kuo ‘osi totongi atu ‘e he Ma’u Mafai ki he Pule’anga Tonga ‘i he ‘Inasi mo e Tukuhau.
Na’e fokotu’u foki ‘a e Ma’u Mafai ki he Ngaahi Taulanga ‘i Fepueli 1999 ‘aki ‘a e Lao na’e Fakamo’oni Huafa ki ai ‘a ‘Ene ‘Afio ko Taufa’ahau Tupou IV ‘i he ‘aho 29 ‘Okatopa, 1998.
Na’e ‘i he Fakataha foki ‘a e CEO ‘o e Potungaue ‘o e Ngaahi Pisinisi ‘a e Pule’anga, Siaosi Sovaleni kae’uma’aa ‘a e Kau Talekita ‘o e Ma’u Mafai, Steven Edwards (Chairman) Richard Prema, Carl Sanft, Busby Kautoke, Dr. Sione Ngongo Kioa mo e Kau Pule ngaue ‘o e Ma’u Mafai, Mosese Lavemai (General Manager), Alo ki Hakau Maileseni (Chief Financial Officer) mo Mele Lavemaau (Human Resources Manager).
Issued by the: Ports Authority Tonga, 2014 | Contact: Tel: (676) 23168 | Fax: (676) 24-267 | Email: This email address is being protected from spambots. You need JavaScript enabled to view it. / This email address is being protected from spambots. You need JavaScript enabled to view it.
- Hits: 880